اسلام آباد ہائی کورٹ میں غیر متعلقہ افراد کے آنے پر مکمل پابندی عائد

اسلام آباد ہائی کورٹ میں غیر متعلقہ افراد کے آنے پر مکمل پابندی عائد


اسلام آباد ہائی کورٹ میں غیر متعلقہ افراد کے آنے پر مکمل پابندی عائد

اسلام آباد (ڈیلی پاکستان آن لائن)کورونا وائرس کے خطرے کے پیش نظر اسلام آباد ہائی کورٹ انتظامیہ نے غیر متعلقہ افراد کے آنے پر مکمل پابندی عائد کردی ہے، وکلا اور فریقین صرف عدالتی حکم پر پیش ہوسکیں گے۔

تفصیلات کے مطابق اسلام آباد ہائی کورٹ انتظامیہ نے کرونا وائرس کے خدشے کے پیش نظر عدالت میں غیر متعلقہ افراد کے آنے پر مکمل پابندی عائد کردی ہے۔اس حوالے سے چیف جسٹس اطہر من اللہ نے نوٹیفکیشن بھی جاری کردیا ہے۔ نوٹیفکیشن کے متن میں کہا گیا ہے کہ متعلقہ افراد کو آگاہ کیا جاتا ہے کہ ہائیکورٹ میں بغیر کسی وجہ داخل نہ ہوں، غیرمتعلقہ افراد، وکیل ہائی کورٹ آنے سے گریز کریں۔

نوٹیفکیشن کے مطابق جج، عملہ اور جس وکیل کا کیس سماعت کےلئے مقررہو صرف وہ آسکتے ہیں، وکلا اور فریقین صرف عدالتی حکم پر پیش ہوں۔ نوٹیفکیشن میں مزید کہا گیا ہے کہ وبائی مرض سے بچانے کے لئے مجاز اتھارٹی نے تلقین کی ہے، وہ افراد جنہیں ہائی کورٹ نے طلب کیا ہو وہ آسکتے ہیں، جن کی حاضری قانون کے مطابق ہو لازمی ہو آسکتے ہیں، مقدمے سے متعلق معلومات عدالتی ویب سائٹ سے حاصل کرسکتے ہیں۔

مزید : قومی /علاقائی /اسلام آباد



جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے