بابراعظم کے 5 سالہ انگلش مداح کا پیار بھرا خط، بابراعظم نے ایسا ردعمل دیدیا کہ آئی سی سی بھی ان کی تعریف کرنے پر مجبور ہو گئی

بابراعظم کے 5 سالہ انگلش مداح کا پیار بھرا خط، بابراعظم نے ایسا ردعمل دیدیا کہ آئی سی سی بھی ان کی تعریف کرنے پر مجبور ہو گئی


بابراعظم کے 5 سالہ انگلش مداح کا پیار بھرا خط، بابراعظم نے ایسا ردعمل دیدیا …

لاہور (ڈیلی پاکستان آن لائن) انگلینڈ سے تعلق رکھنے والے کم عمر پرستار کے تعریفی پیغام نے پاکستان ٹی 20 کرکٹ ٹیم کے کپتان اور مختصر فارمیٹ میں عالمی نمبرون بلے باز بابراعظم کا دل جیت لیا۔

تفصیلات کے مطابق انگلش کاؤنٹی سمرسیٹ نے بابراعظم کے پانچ سالہ مداح آسکر کا پیار بھرا مضمون ٹوئٹر پر شیئر کیا ہے جس میں بچے نے لکھا ہے کہ بابر اعظم میرے پسندیدہ کرکٹر ہیں، ان کا تعلق پاکستان سے ہے۔ گزشتہ سال پاؤں کے آپریشن کے بعد ان سے ملاقات ہوئی تھی وہ بہت مہربان انسان ہیں۔مضمون میں چسپاں تصویر میں بابراعظم بچے کو گود میں اٹھائے ہوئے ہیں۔

بابراعظم نے ٹوئٹر پر آسکر کا شکریہ ادا کیا اور لکھا کہ وہ ملاقات کے منتظر ہیں جبکہ اس کیساتھ ہی انہوں نے آسکر کو دل لگا کر پڑھنے کا مشورہ دیا تو انٹرنیشنل کرکٹ کونسل (آئی سی سی) نے بھی ان کے اس اقدام کو سراہا۔

مزید : کھیل



جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے