بیرون ملک پھنسے پاکستانیوں کیلئے خوشخبری، پی آئی اے نے اہم کام کا بیڑا اٹھالیا

پاکستان انٹرنیشنل ائیر لائن


پاکستان انٹرنیشنل ائیر لائن بیرون ملک پھنسے ہوئے پاکستانیوں کو وطن پہنچانے کے سلسلے میں اپنا خصوصی آپریشن جاری رکھے ہوئے ہے، پی آئی اے 10خصوصی ریلیف پروازیں 17تاریخ سے آپریٹ کرے گی۔

اس حوالے سے ذرائع کا کہنا ہے کہ دو پروازیں 17 اور 18 اپریل کو پی آئی اے مانچسٹر کیلئے اسلام آباد سے پروازیں آپریٹ کی جائیں گی جبکہ جمعہ 17 اپریل کو پی آئی اے کی دو خصوصی پروازیں پی کے 8852 اور 8894 اسلام آباد سے جنوبی کوریا کے شہر سیول کیلئے روانہ ہوں گی۔

ذرائع کے مطابق اٹھارہ اپریل کو پی آئی اے کی خصوصی پرواز کراچی سے جکارتہ انڈونیشیا کیلئے روانہ ہوگی، ٹورنٹو کینیڈا کے لئے پی آئی اے دو پروازیں چلائے گا جو 15 اور 19 اپریل کو جو بالترتیب اسلام آباد اور کراچی سے پرواز بھریں گی۔

ذرائع کا کہنا ہے کہ سترہ اپریل کو پی آئی اے کا خصوصی طیارہ دبئی میں پھنسے پاکستانیوں کو وطن واپس لے کر آئے گا ۔18 اپریل کو خصوصی پرواز پی کے 8889 جکارتہ میں پھنسے پاکستانیوں کو وطن واپس لے کے آئے گی۔

ذرائع کے مطابق انیس اپریل کو پی آئی اے ٹورنٹو سے کراچی کیلئے پرواز پی کے 784 چلائے گی، اس حوالے سے ترجمان پی آئی اے نے عوام کو مطلع کیا ہے کہ جن لوگوں کا ابھی تک پی آئی اے کا سفارت خانے کے عملے سے پروازوں پر بکنگ کیلئے رابطہ نہیں ہوا وہ فوری طور پر پی آئی اے سے رجوع کریں۔

ترجمان کا کہنا ہے کہ بکنگ پی آئی اے کے دفاتر، ویب سائیٹ یا کال سنٹر سے کروائی جاسکتی ہے۔ ٹکٹ پاکستان سے بھی خریدے جاسکتے ہیں جو کہ وطن واپس آنے والے استعمال کرسکیں گے۔

دو سو بیس سے زائد پاکستانی محصور آج شام وطن واپس

علاوہ ازیں بینکاک میں پھنسے ہوئے پاکستانیوں کی وطن واپسی کے سلسلے میں 220سے زائد محصور پاکستانی آج شام پی آئی اے کی خصوصی پرواز پی کے 8893 سے اسلام آباد پہنچیں گے۔

بینکاک ایئرپورٹ پر پاکستانی مسافروں کی بورڈنگ کا عمل جاری ہے، بینکاک ایئرپورٹ پر تمام مسافروں کی مکمل طبی جانچ کے ساتھ ان کو سینیٹائز بھی کیا جارہا ہے۔

پی آئی اے کی جانب سے تمام مسافروں کو ماسک بھی فراہم کئے گئے ہیں، اسلام آباد ایئرپورٹ پہنچنے پر تمام مسافروں کو قرنطینہ پر بھیجا جائے گا۔



install suchtv android app on google app store

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے