مزیدار حلیم گھر میں بنانے کی آسان ترکیب

مزیدار حلیم گھر میں بنانے کی آسان ترکیب


مزیدار حلیم گھر میں بنانے کی آسان ترکیب

اشیاء                                                                                             مقدار

گوشت بکرے کا                                                              آدھ کلو (بغیر ہڈی کے )

نمک + سرخ مرچ                                                    1+2 کھانے کا چمچ

چنے کی دال                                                                    2 کپ

کٹی ہوئی لال مرچ                                                    1 کھانے کا چمچ

ماش کی دال                                                                   2 کپ

گرم مسالا پاؤڈر                                                             1 1/2 کھانے کا چمچ

مسور کی دال                                                                  1 کپ

پاؤڈر خشک دھنیہ                                                   1کھانے کا چمچ

مونگ کی دال                                                          1کپ

ہلدی                                                                                    1 چائے کا چمچ

چاول                                                                                    1/2 کپ

سبز دھنیہ                                                                       حسب ضرورت

گندم کا دلیہ                                                               1/2 کپ

لیموں                                                                               2 عدد

تیل                                                                                  حسب ضرورت                                             

تڑکے کے لیے اشیاء                                پیاز 2 عدد ۔ٹماٹر 2 عدد ۔ تیل ۔ لہسن

ترکیب : 

1۔ سب سے پہلے ساری دالوں کو الگ الگ ابال کر گھوٹ لیں اس طرح کی وہ بالکل یک جان ہو جائیں۔

2۔ چاول اور دلیہ بھی الگ الگ ابال کر گھوٹ لیں۔

3۔ گوشت میں تھوڑا سا پیاز ‘ لہسن ‘ نمک ‘ مرچ ‘ ہلدی ڈال کر اتنا ابا لیں کہ وہ بعد میں چھوٹے چھوٹے ریشوں میں ٹوٹ سکے اب گوشت کے ان ریشوں کو تھوڑے سے تیل میں اچھی طرح بھون لیں ساتھ پانی کا چھینٹا لگاتی جائیں۔

4۔ اب گوشت میں سارے مسالے اور دہی شامل کر دیں اور اتنا بھونیں کہ وہ سرخ ہو جائے۔

5۔ اب ساری ابلی ہوئی دالیں ‘ چاول اور دلیہ گوشت میں شامل کر لیں اور اسکو پانی ڈال کر پکنے دیں مگر ساتھ ساتھ لکڑی کا چمچ ہلاتی جائیں۔

6۔ ایک فرائنگ پین لیں اور اس میں پیاز کو براؤن کر لیں اور اس میں ٹماٹر ڈالیں اور اگر ضرورت ہو تو اور نمک مرچ ڈال لیں۔

7۔ اب جس ڈونگے میں حلیم پیش کرنی ہو اس میں حلیم ڈالیں اور اوپر سے یہ تڑکہ ڈال دیں۔ اوپر سبز دھنیہ اور سبز مرچیں ڈالیں۔ ساتھ میں لیموں کاٹ کر رکھ دیں۔

8۔ حلیم کو زیادہ گاڑھا نہیں ہونا چاہیے اور نہ زیادہ پتلا ۔ حلیم کے لیے آپ کوئی سا بھی گوشت یعنی بکزے ‘ گائے یا مرغ کا گوشت استعمال کر سکتے ہیں۔

مزید : پکوان



جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے