وزیر اعظم عمران کی ایسٹر کے موقع پر مسیحی برادری کو مبارک باد، کورونا کے حوالے سے خصوصی پیغام

وزیر اعظم عمران خان


وزیر اعظم عمران خان نے ایسٹر کے موقع پر مسیحی برادری کو مبارک باد دیتے ہوئے کورونا وائرس کے حوالے سے خصوصی پیغام بھی جاری کر دیا ہے۔

وزیر اعظم عمران خان نے ٹویٹ کرتے ہوئے لکھا کہ ہماری مسیحی برادری کو ایسٹر کی خوشیاں مبارک ہوں، میری اپیل ہے کہ کورونا کے پیش نظر گھروں تک محدود رہیں۔

وزیر اعظم کا کہنا تھا کہ حفاظتی تدابیر پر عمل کر کے اپنے اور اہل خانہ کی سلامتی کا اہتمام کریں، ایسٹر کے موقع پر گھروں ہی میں عبادات کریں اور خوشیاں منائیں۔

وزیر اعظم نے اپنے پیغام میں قومی حفاظتی تدابیر پر عمل کرنے پر بہ طور خاص زور دیا، انھوں نے لکھا کہ حفاظتی تدابیر پر عمل کرنے سے نہ صرف خود بلکہ اہل خانہ کی سلامتی کا بھی اہتمام کریں گے۔

خیال رہے کہ ملک میں 5 ہزار 38 افراد میں کورونا وائرس کی تشخیص کی جا چکی ہے، اب تک وائرس کے باعث 86 اموات ہو چکی ہیں، جب کہ ملک میں کورونا کے 1026 مریض صحت یاب ہو کر گھروں کو لوٹ چکے ہیں۔

 



install suchtv android app on google app store



جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے