کورونا وائرس: اسکولوں کی بندش، تمام طلبا و طالبات کو اگلی جماعتوں میں از خود ترقی دینے کا اعلان

کلاس روم


سعودی حکومت نے فیصلہ کیا ہے کہ کورونا وائرس کی وجہ سے اسکولوں کی بندش کے باعث تمام طلبا و طالبات کو بغیر امتحانات اگلی جماعتوں میں از خود ترقی دے دی جائے گی، عالمی سطح کے اسکول اپنا فیصلہ خود کرسکتے ہیں۔

اس حوالے سے سعودی وزیر تعلیم ڈاکٹر حمد بن محمد آل الشیخ نے میڈیا کو بتایا ہے کہ سعودی تعلیمی اداروں کے تمام طلبا و طالبات کو اگلی جماعتوں میں ترقی دے دی جائے گی، جبکہ انٹرنیشنل اسکولز کی انتظامیہ اپنا فیصلہ کرنے کی مجاز ہیں۔

مملکت میں قائم انٹرنیشنل اور نجی اسکولز کی انتظامیہ سالانہ امتحانات منعقد کرنے یا نہ کرنے کا خود فیصلہ کرنے کے مجاز ہیں، امتحانات منعقد نہ کرنے کی صورت میں آخری امتحان کے رزلٹ کو ہی سالانہ رزلٹ ٓکے طور پر منظور کیاجاسکتا ہے۔

ان کا کہنا تھا کہ وزارت تعلیم نے بحرانی حالات کو دیکھتے ہوئے فیصلہ کیا ہے کہ تمام طلبہ و طالبات کو اگلی جماعتوں میں ترقی دے دی جائے جبکہ یہ بھی طے کیا گیا ہے کہ تعلیم کا سلسلہ آن لائن جاری رکھا جائے گا۔ مڈل سکول کے طلبہ و طالبات کو 14 مئی 2020 تک آن لائن تعلیم دی جاتی رہے گی۔

یاد رہے کہ سعودی عرب میں مختلف کمیونٹیز کے تعلیمی ادارے قائم ہیں جو قبل ازیں اپنے ملکوں کے سفارت خانوں کی زیر نگرانی ہوا کرتے تھے بعدازاں انہیں سعودی وزارت تعلیم کے زیر انتظام کر دیا گیا تھا۔

وزیر تعلیم نے اپنے بیان میں اس بات پر اطمینان کا اظہار کیا ہے کہ اساتذہ اور دفتری عملے کی مدد سے طلبہ اور طالبات نے آن لائن تعلیمی کورس مکمل کرلیا۔



install suchtv android app on google app store

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے