کورونا وائرس کے مزید کیسز، سمن آباد میں سکندریا کالونی کے بعد لاہور کا ایک اور بڑا علاقہ بند کر دیا گیا ، 154 گھر سیل

کورونا وائرس کے مزید کیسز، سمن آباد میں سکندریا کالونی کے بعد لاہور کا ایک اور بڑا علاقہ بند کر دیا گیا ، 154 گھر سیل


کورونا وائرس کے مزید کیسز، سمن آباد میں سکندریا کالونی کے بعد لاہور کا ایک …

لاہور (ڈیلی پاکستان آن لائن ) لاہور کے علاقے مکھن پورہ کے ” چاہ میراں بازار “ میں کورونا وائرس کے 17 مریض رپورٹ ہونے کے بعدعلاقے کو قرنطینہ میں تبدیل کرتے ہوئے سیل کر دیا گیاہے ۔

نجی ٹی وی دنیا نیوز کی رپورٹ کے مطابق کورونا کیسز سامنے آنے پر چاہ میراں کے علاقے کو سیل کرتے ہوئے اس کے داخلی اور خارجی راستوں پر پولیس اہلکاروں کو تعینات کر دیا گیا ہے۔ ضلعی انتظامیہ کے افسران نے سیل کئے گئے علاقے کا جائزہ لیا۔ذرائع کے مطابق علاقے کے 154 گھروں کو سیل کرتے ہوئے مارکیٹس بھی بند کر دی گئی ہیں۔ اسسٹنٹ کمشنر تبریز مری کا کہنا ہے کہ سو فیصد لاک ڈاو¿ن کے بعد پچاس سے زائد افراد کے کورونا ٹیسٹ کے سیمپل لئے گئے جس کے بعد پازیٹو کیسز سامنے آنے پر علاقے کو سیل کیا گیا ہے۔

دوسری جانب لاہور میں سمن آباد کے علاقے سکندریہ کالونی میں بھی کورونا وائرس کے کیسز سامنے آنے کے بعد ضلعی انتظامیہ نے کنٹرول سنبھال لیا ہے۔انتظامیہ کی جانب سے سکندریہ کالونی کو ریڈ اور یلیو زون میں تقسیم کر دیا ہے۔ اس حوالے سے اسسٹنٹ کمشنر تبریز مری نے بتایا کہ سکندریہ کالونی میں کورونا کے نو مریض سامنے آئے جس کے بعد وہاں پر 80 سے زائد افراد کے ٹیسٹ کیے گئے ہیں۔

دوسری جانب کورونا وائرس کی روک تھام کے لیے آئی جی پنجاب نے بڑا فیصلہ کرتے ہوئے کہا ہے کہ قرنطینہ سے کسی کے بغیر ٹیسٹ فرار ہونے پر ڈی پی او اور سی پی او فارغ ہونگے۔ افسران کو جاری مراسلے میں کہا گیا ہے کہ کارروائی کیلئے سفارشات سٹیبلشمنٹ ڈویژن کو بھجوائی جائیں گی۔ تمام افسران روزانہ کی بنیاد پر رپورٹ آر پی اوز اور آئی جی پنجاب کو بھجوائیں۔

مزید : علاقائی /پنجاب /لاہور /کورونا وائرس



جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے